Kiligon na...

CEBU, Philippines — Giangkon ni Kira Balinger nga inanay na siyang nadutlan sa mga esena nila ni Grae Fernandez sa toprating teleserye nga Ang Sa Iyo Ay Akin sanglit kiligon na siya sa ilang loveteam nga napang

lantawan sa kadaghanan nga mosulbong og maayo sa dili madugay.

“It’s very humbling and it’s very overwhelming at the same time. Personally, from my experience, when I’m acting with Grae, na-fi-feel ko yung kilig. Pero when I’m watching yung eksena namin sa TV, yun mas na-fi-feel ko. So to have them say that we’re the next big love team, it makes me feel very blessed and I’m very happy to be partnered with Grae for this show."

Si Grae sa iyang bahin, wala nagdahom nga makatrabaho siya karong tuiga gumikan sa pandemya. Third project na niya nga magkauban sila ni Kira.

“I’m very thankful din sa nangyari sa amin dito sa show na ito and yung naisip ko kasi actually na hindi ko in-expect na magkaka-show ako this year or anything because of the pandemic nga. Tapos biglang may ganitong napakagandang show na napakaganda ng storya. For me it’s a very great story talaga and me and Kira talaga I think we’re doing our best to give the best quality things we can give to the characters  and we’re very thankful na na-a-appreciate naman ng mga tao yung characters namin and very thankful kami dun."

Kasal na

Gikasal na si Ina Feleo ngadto sa iyang Italian boyfriend nga si James Gerva. Daghang netizens ang nidayeg sa simple nga gown ni Ina pero elegante gihapon siyang tan-awon.

Kinadaghana'g views

Ang BL series nga Hello, Stranger starring JC Alcantara ug Tony Labrusca maoy giisip nga labing malampuson sa tanang Pinoy BL series. Gani, ang unang episode nga giulohan og Hello, Enemy, nakaangkon na og 2 million views sa Youtube. Ang tanang niining episodes naka kuhag kapin 1 million views kada usa. Samtang, nahuman na ang lock in taping sa movie version sa maong series adtong Martes.

Happy sila

Nakompleto ang tanang mananaog sa Miss Universe Philippines niadtong Martes sa gabii atol sa ilang thanksgiving party. Nasigpatan nga nagtupad pa sila si MUP winner Rabiya Mateo ug ang 2nd runner-up nga si Michelle Gumabao ug nagkataw-anay. Sila maoy gibantayan og maayo sanglit giintriga si Michelle kaniadto nga wala makauyon sa resulta hinungdan nga wala kini nitambong sa presscon human sa pageant didto sa Baguio, City niadtong October.

Ayaw na lang..

Gitambagan ni Jackie Forsters ang mga bashers niya nga dili na lamang maghago pa kay dili na siya madutlan og unsay negatibo nilang reaksyon sanglit malipayon na siya karon sa iyang kinabuhi. Kini human nagpost og hulagway niya nga nag-two piece didto sa Boracay niining bag-o lang. Niingon sab si Jackie nga dili siya tambok, undanon lang.

Tua na gyud

Nilugwa na sa set sa Lunch Out Loud sa TV5 si direk Bobit Vidanes. Si Vidanes ang kanhi direktor sa It's Showtime sa Kapamilya Network. Giingong production consultant siya sa maong show apan daghan gyud ang nagtuo nga sa dili madugay siya na maoy itudlo nga direktor. Ang Lunch Out Loud blocktime show sa Brightlight Productions.

Martin and Pops again

Adunay giluto nga show sila si Martin Nievera ug Pops Fernandez. Kini mao ang "Exes and Why" diin ang ilang anak nga si Robin ang direktor. Wala pa matino kun asa kini ipagawas ug unsay format niini apan sa IG post ni Pops naka tag ang Cignal TV. Nag-taping na sila.

No make up

Subling nag-upload si Catriona Gray og hulagway niya nga walay make-up. Kini aron subling pahinumduman ang mga kababayn-an nga dili nila tuohan ang tanan nga ilang makit-an sa social media ug maoy himuong basehanan sa ilang pagka sila. Suma pa sa kanhi Miss Universe nga kun hamis siya tan-awon sa mga hulagway, sa tinuod nga kinabuhi dagko siyag pores ug oily pud siyag nawong.

Kaduha gikasal

Kaduha gikasal si Bettina Carlos ngadto kang Mikki Eduardo didto sa Tagaytay Highlands niadtong Miyerkoles. Komedya pa ni Bettina, "For some reason I knew in my heart I was going to get married this year....

"BUT I did not expect it to be TWICE and on the same day.

"Thankfully to the same man.

"Bettinna Carlos Eduardo po, nagpapakilalang bagong COVID bride."