Nagbulag na gyud!

CEBU, Philippines — Pormal na nga giangkon sa 43 anyos nga si Derek Ramsay nga nagbulag na sila sa 30 anyos nga si Andrea Torres.

Ang pag-angkon sa actor nahitabo niadtong Huwebes sa dihang may nikomento sa birthday post ni Derek para sa iyang inahan nga nagsaulog sa adlawg natawhan niini.

Gitandi sa commenter ang duh aka relasyon ni Derek. Suma pa niini naa kang Andrea ang problema sanglit usa lamang ka tuig ang relasyon nila ni Derek, itandi sa ex niini nga si Joanne Villablanca nga nilungtad og unom ka mga tuig. Busa niya, dili angayan nga ibasul ang tanan ngadto kang Derek.

Wala kini palabya sa actor. Siya nagkanayon, “pls don't point the finger at anyone.

“There is nothing wrong with Andrea. She is a great woman.

“There is no third party!!!! The breakup has happened so fast.”

Ni Derek pa, gihigugma niya si Andrea busa dili siya matud pa siya musulti unsay nahitabo, apan kun adunay mupakatap og mga bakak kabahin sa aktres, dili sab niya kini palabyon.

Nihangyo si Derek nga respetuhon ang nahitabo sa ilang relasyon.

“Maybe 2 people are just not meant to be. Pls respect us nalang.

“We shared our love to all of you sana naman we can keep this to ourselves.

“Mahal ko si ada kaya di ako magsasalita pero if I hear lies about her I will defend her.”

Kahinumduman nga niadtong Lunes, nibuto ang tsika nga nagbulag na ang duha ka mga Kapuso stars human nga wala na silay mga posts sa Instagram  nga magkauban silang duruha. Gi-unfollow sab ni Andrea si Derek.