Kapamilya stars nag-noise barrage
CEBU, Philippines — Nipadangat sa ilang nga sentimento ang Kapamilya stars kalabot sa nahiagoman sa ilang mother network nga ABS-CBN.
Gihimo dili pa lang dugay ang noise barrage sa tugkaran sa ABS-CBN.
Usa si mitambong niini mao ang aktres nga si Maja Salvador kinsa mapasalamaton kaayo sa ABS- CBN gumikan kay maayo gyud pagkadumala niini ang iyang career ug daghan na usab ang natabangan niini hinungdan nga nagoul gyud siya og maayo sa dihang niulbo ang balita nga dili i-renew ang prangkisa sa ABS-CBN.
Nitambobg sa maong noise barrage sila si Maja Salavador, Melai Cantiveros, Liza Soberano, Enrique Gil, Angel Locsin, Bianca Gonzales, Bea Alonzo, Enchong Dee, Ria ug Arjo Atayde, Cheena Filomena, Iñigo Pascual, Joao Constancia, Robi DomingoHeaven Peralejo Jona uban pa.
Bela mikiha sa iyang stalker
Nidangop si Bela Padilla sa Fiscal’s Office sa Mandaluyong City niadtong Lunes sa buntag og gipasakaan og reklamong unjust vexation ang iyang 33 anyos nga stalker fan.
Una niya kini nga gipa-blotter sa Mandaluyong Police Station niadtong Biyernes, July 10, 2020.
Suma pa sa aktres nga gisundan siya sa maong lalaki hangtud sa parking lot sa condominium building nga iyang gipuy-an sa Mandaluyong City niadtong July 9.
Matud pa ni Bela nga pag-abot niya sa iyang unit , gitawagan siya sa security guard gumikan kay matud pa duna siya’y bisita .
Naneguro ang aktres busa giingnan niya ang security guard nga kuhaan og hulagway ang ID niini.
Pagkakita niya sa hulagway , wala gyud siya kaila sa maong lalaki nga mamugos gyud og saka padulong sa iyang unit.
Tungod sa kahadlok nagpatawag ang aktres ug taga barangay.
“Nakita ng kapitbahay ko na may dalawa pang lalaki sa loob ng kanyang sasakyan,” saysay pa ni Bela.
Gikatahong dugay gyud nihawa ang iyang stalker nga wala niya atubanga.
Matud pa nga ni-chat usab ang maong lalaki sa higala ni Bela nga hairstylist ug niingon kini nga gihigugma gyud niya og maayo ang aktres.
Wala nahimutang si Bela busa gipasakaan gyud niya og formal nga reklamo ang iyang stalker nga nangangkon nga uyab niya ang aktres.
Nagbaha ang mga camera
Dul-an sa 16 ka mga CCTV camera ang gipataod ni Rocco Nacino sa gipatukod niya nga balay. Suma pa sa aktor nga lahi ra gyud kun maneguro daan. Malipayon si Rocco gumikan kay natukod na gyud ang iyang dream house.
Ex ug present
Gitinguha sa Kapuso star nga si Clint Bondad nga mahimo niya nga kliyente sa iyang negosyo ang aktor nga si Sam Milby. Si Clint ang ex-boyfriend sa beauty queen nga si Catriona Gray kinsa uyab karon ni Sam.
Gi-bash tungod sa amahan
Gi-bash og maayo sa pipila ka netizens ang Kapamilya actor nga si Enzo Pineda tungod sa baruganan sa iyang kongresista nga amahan nga dili uyon nga ma-renew ang prangkisa sa ABS-CBN. Wala ra motubag si Enzo niini apan ang iyang fans maoy nidepensa kaniya. Suma pa sa iyang fans nga dili makahilabot si Enzo sa trabaho sa iyang amahan.
Mipuli ang kahayag
Gibutyag ni Kiray Celis nga dili malikayan nga makahuna-huna siya sa gibuhat sa iyang ex-boyfriend nga nagbinuang kaniya. Bisan pa man niini ,nabayloan kini og kahayag sanglit nakabaton siya og bag-ong boyfriend nga tinud-anay nga nagpangga kaniya.
Hilom pa ang uban
Tak-om lang ang pipila ka Kapamilya stars sa report nga molugwa ang pipila kanila sa TV5 . Una na nigawas ang report nga molugwa si Jessy Mendiola sa usa ka cooking show sa TV5.
Indie film target ni Ruffa
Gibutyag ni Ruffa Guttierez nga target niya nga malakip puhon sa usa ka indie film . Suma pa sa aktres nga dugay na gyud niya nga gipangandoy nga mahimong kabahin sa maong klase nga proyekto.
Vice Ganda Network
Gikatahong giandam na karon ang Vice Ganda Network nga usa sa mga digital platform ni Vice Ganda aron makapadayon siya sa paghatag og kalingawan ngadto sa iyang fans. Tinguha usab ni Vice nga mahatagan og trabaho ang iyang mga kaila nga nawad-an og panginabuhian tungod sa pagkahunong sa operasyon sa ABS-CBN.
Kelly Presston mipanaw
Mipanaw sa miaging adlaw ang Hollywood actress nga si Kelly Preston . Nasayran nga duha ka tuig na nga gihambin ni Kelly ang sakit nga breast cancer.
- Latest