Walo ka ‘adik’ sa Tapul napasurender

CEBU, Philippines — Padayon ang drug clearing sa kapolisan sa Dakbayan sa Talisay sa Barangay Tapul nga pinangulohan ni Police Major Gerard Ace Pelare, hepe sa kapolisan sa siyudad.

Matud pa ni Pelare nga walo ka adik ang ilang napasurender nga gipaubos na sa Community-Based Treatment pinaagi sa Rural Health Unit.

Kagahapon ang taga Department of Interior and Local Government (DILG), Aftercare Program ni Dr. Cesar Bautista ug ang kapolisan nibisita na sab sa maong barangay aron sa pagpahigayon sa Barangay Anti-Drug Council (BADAC) Orientation.

Nanghinaut si Pelare nga makapasar ang Barangay Tapul sa himoong validation sa taga Philippine Drug Enforcement Agency (PDEA) karon sunod semana.

Ang Tapul maoy usa sa barangay sa Dakbayan sa Talisay nga gitan-aw sa kapolisan nga mahimong drug-cleared.

“I’m very optimistic we can have it cleared by PDEA,” matud ni Pelare.

Ang PDEA na ang moanunsyo kun nakapasar ba ang Tapul o wala na ba gyud namaligya og drugas sa maong barangay.  GMR (BANATNEWS)