Naputol na gyud

CEBU, Philippines – Gibutyag ni McCoy de Leon nga naputol na gyud ang komunikasyon tali nilang duha ni Elisse Joson. Matud pa ni McCoy nga ang katapusan nila nga panag-istorya nahitabo sa miaging ABS-CBN Ball ug wala na kini nasundan. Dugang tsika ni  McCoy nga pareho sila nga busy sa ilang tagsa-tagsa ka trabaho mao nga wala na sila’y higayon nga magka-istorya pa.

Na-orient na daan

Gitataw ni Maja Salvador nga wala ra sila’y panagbangi  ni Angelica Panganiban. Tsika pa ni Maja nga kahibalo na siya nga malambigit ang iyang pangalan sa maong episode sa Gandang Gabi Vice atol sa pag-guest nila ni Angelica ug Carlo Aquino gumikan kay gipahibalo na siya daan  sa aktres. Kahinumdoman nga nalambigit ang pangalan ni Maja sa dihang gihisgotan ang breakup nila ni Angelica ug Carlo kaniadto.

Dili makatuo

Dili gihapon makatuo ang young actress nga si Kyline Alcantara nga nalangkat niya ang Best Supporting Actress Award sa 32nd PMPC Star Awards for TV. “Last year po, never in my wildest dreams talaga na naisip na magkakaroon ako ng award. Of course I’m just doing my job. Ngayon po na na-appreciate niyo or nabigyan ng parangal ‘yung pag-arte ko, it’s just really a big thing for me kasi matagal ko rin po itong inantay. Yes, Best Supporting Actress pa”, padayag pa ni Kyline.

Ihalad sa inahan

Ihalad ni Marlo Mortel ang iyang unang major concert nga  “imMORTELized” sa iyang mipanaw nga inahan nga si Merlie Pamintuan. Mahitabo ang maong concert sa Music Museum karong Oktubre 26. Excited na si Marlo sa maong concert gumikan kay banhawon niya pagbalik ang iyang mga paboritong kanta sa ’70s, ’80s, ug  ’90s .

Lahi ra gyud

Gitandi ni Andi Eigenmann ang iyang kasamtangan karelasyon nga si Philmar Alipayo ngadto sa mga miagi niya nga mga uyab. Matud pa ni Andi nga lahi gyud si Philmar sa mga nangagi niya nga lalaki. “Well, for one, I’m really motivated to be the best version of myself. Like, it’s the first time I’m with someone who really supports me with that, and then without also forgetting the fact that I have a daughter. Yun yung number one thing about him, that I feel, like, really parang na-catch niya yung heart ko. Kasi, not that it was him who showed me how important my daughter is, but he showed me that I can live a life of being a twenty-eight-year-old and being young and free”, suma pa ni Andi.

Wala gidid-an

Gitataw ni Aga Muhlach nga wala niya gidid-an ang iyang asawa nga si Charlene Gonzales nga mopadayon sa pagtrabaho. Matud pa ni Aga nga suportado niya ang iyang asawa sa tanang mga hukom niini. Dugang pa niya nga wala siya’y problema kun mobalik kini sa pag-host og mga show sa telebisyon. “Kasi akala ng tao I made her stop working already. Hindi naman. Nagkataon lang na we’re just living life. Me and my wife would be happy to work”, suma pa ni Aga.

Tungod sa MMK

Todo pasalamat si James Blanco ngadto sa nagdumala sa  MMK gumikan kay nakaangkon na gyud siya og una nga acting award sa pipila ka tuig niya sa  industriya. Naangkon ni James ang award nga Best Single Performance by an Actor sa PMPC Star Awards. Napunta ngadto kang James ang maong award human nga natagad ang iyang pag-arte sa usa ka episode sa MMK diin nidala siya isip amahan nga usa ka drug addict.

Gipili ang pagka-direktor

Nanamilit na si Paolo Valenciano sa iyang banda nga Salamin human sa 12 ka tuig niya sa maong grupo.  Hatagan  niya  og tumang atensyon ang pagka concert director. Matud pa ni Paolo nga wala siya magbasol sa iyang hukom gumikan kay nakita niya nga mas epektibo siya isip usa ka direktor. “I think the directing thing is a full time job. It opens doors for me to work with all kinds of artists. This is I think an opportunity that isn’t available to a lot of other musicians. So I just had to make that decision, thinking of my family also. It pays better too”, suma pa ni Paolo.

Na-pressure sa concert

Gikalipay ni Mitoy Yonting nga nilungtad na og 10 ka tuig ang banda nga The Draybers.Dugay na siya nga sakop niini bisan sa wala pa siya niapil sa  The Voice Philippines. Dili matago ni Mitoy nga gipangulbaan gyud siya sa dihang mopahigayon na kini og concert karong Oktubre 30 sa Newport Performing Arts Theater sa Resorts World Manila. Matud pa ni Mitoy nga pito ka tuig na sila nga regular nga mohatag og pasundayag kaniadto sa casino area sa maong dapit apan karon lang gyud sila makasuway nga magpa-ticket .

Natuman na gyud

Giangkon ni  Gabbi Garcia nga dugay na gyud niya nga pangandoy nga malakip sa usa ka musical variety show busa nagmaya siya og maayo sa dihang nasayran niya nga pasok siya sa Studio 7. Gipabuhagay gyud ni Gabbi ang iyang talento sa pagsayaw atol sa pilot episode sa maong programa.