Happy kaayo

“Ang pinakamasaya”, maoy paghulagway ni Jennylyn Mercado sa ilang relasyon karon ni Dennis Trillo. Suma pa niya nga mas maayo gyud nga magkasinabot aron malipayon. Gibutyag sab niya nga nag-mature siya itandi kaniadtong unang higayong nagkauyab sila ni Dennis ug nagbuwag.

Doktor na

Medical doctor na si Josh Santana o Michael Alexander Pamular sa tinuod nga kinabuhi, human lakip siya sa nakapasar sa physician licensure exam niining bag-o lang. Si Josh maoy nagkanta sa theme song sa Meteor Garden kaniadto ug kanhi sab love team ni Carol Banawa sa ABS-CBN teleserye “Bituin.”

Maricel, may movie

Balik pelikula si Diamond Star Maricel Soriano human sa duha ka tuig. Suma pa nga apil siya sa pelikula ni Paolo Ballesteros nga “Two Mommies”, ug nagsugod na matud pa ang ilang shooting. Ang balita sa www.pep.ph nagkanayon nga tita nila ni Paolo ug Dianne Medina sa pelikula, samtang apil sab si Solenn Heussaff isip girlfriend ni Paolo.

Minyo ang amahan?

Human gipakita sa celebrity stylist nga si Liz Uy ang iyang anak nga si Xavi, sibaw kaayo ang taho nga minyo ang amahan sa baby. May mga niingon nga doktora ang asawa sa amahan sa baby ug may anak sila nga babaye. Apan nagpakahilom pa si Uy hangtud karon. Si Uy kanhi uyab ni John Lloyd Cruz ug paborito nga stylist sa mga artista.

“Perfect Partnership”

“It’s a perfect partnership”, sab kon ihulagway ni Tom Rodriguez ang ilang relasyon ni Carla Abellana. Pasabot ni Tom nga naggumikan kini kay kon kauban niya si Carla, “I can be myself.” Upat na ka tuig ang ilang relasyon.