Espesyal nga birthday party

CEBU, Philippines- Gisaulog ni Bea Binene ang iyang birthday sa miaging adlaw uban sa mga bata nga dunay sakit nga cancer.  Naandan na kini sa aktres sa higayon magsaulog siya sa iyang birthday.  "Gusto ko happiness for me and the people around me and to all those who love me," suma pa ni Bea.

Manubag gyud

Gipadayag ni Carlene Aguilar nga kinahanglan nga dunay manubag sa bus accident sa  miaging adlaw kung diin  lakip sa naangol ang anak nila ni Dennis Trillo nga si Calix Andreas .  Suma pa ni Carlene nga dili basta-basta ang nahitabo sa mga biktima busa nanawagan siya sa dali nga imbestigasyon sa maong hitabo.

Nag-uros nga gugma

 Gipadayag ni Maja Salavador nga wala sila'y sekreto sa usa’g-usa sa iyang uyab nga si Gerald Anderson ug mao kini nakapadugay sa ilang relasyon. Gihulagway niya si Gerald nga usa sa labing hugyaw nga regalo nga naabot sa iyang kinabuhi." Everyday, nagpapasalamat ako na dumating siya sa buhay ko," suma pa ni Maja.

Paglikay sa bisyo

Gawas sa pag-arte, ang wrestling ug boxing maoy gikabisihan karon  ni  JM de Guzman.  Gipasalig ni JM nga  dili na siya matintal sa pagsulod sa dautang bisyo.

Jason mobalik sa nasud

Mobalik  sa Pilipinas ang singer nga si Jason Mraz alang sa iyang  concert sa Smart Araneta Coliseum karong  November 27. Si Jason maoy nagpasikat sa awit nga I'm Yours. 

Trending sa Twitter

Trending topic sa Twitter niadtong Martes sa gabii ang seryeng Two Wives sa ABS-CBN partikular na ang eksena kung diin nagpakiluoy si Yvonne ( Kaye Abad) ngadto sa iyang  bana nga si  Victor (Jason Abalos) nga dili siya biyaan. Nalambigit si Victor ngadto kang Janine (Erich Gonzales).

Wala nagbalik

Gihimakak ni Andi Eigenmann ang report nga matud pa nagbalik sila ni  Jake Ejercito. Suma pa sa aktres nga maglisod pa siya og hukom gumikan kay nasakitan siya pag-ayo sa gibuhat niadto ni Jake kung diin nakighawok kini og laing babaye sa usa ka bar.

Toni komportable sa komedya

Giangkon ni Toni Gonzaga nga dili siya komportable nga mahimong bida sa usa ka drama series. Gusto ni Toni ang romantic-comedy series gumikan kay naanad na siya niini.

Dili manguwenta

Gibutyag ni Judy Ann Santos nga dili sila manguwenta sa usa’g-usa sa iyang bana nga si   Ryan Agoncillo sa mga gastohanan nila sa balay.  Nagdumili usab pagbutyag si Juday kung kinsa ang dunay dakong kontribusyon tali nilang duha.

Mahalon nga regalo

Mga mahalon nga alahas ang giregalo ni Luis Manzano sa iyang inahan nga si Gov. Vilma Santos kinsa nagsaulog sa iyang adlaw nga natawhan niadtong Lunes. Gisuot dayon ni Ate V ang nahisgutan nga mga alahas. 

Inahan ni Sharon namatay

Nakabsan na sa iyang kinabuhi kagahapon ang 79 anyos nga inahan ni Sharon Cuneta nga si Elaine  Cuneta kinsa niistar na sa tambalanan dul-an sa duha  na ka buwan ug gikatakda na unta  kini nga operahan  kagahapong adlawa.

Ang apo ni  Elaine nga si KC Concepcion  maoy nipahibawo sa kamatayon sa kanhi beauty queen.

"Hi. I just lost the love of my life today. My Mita [Elaine] will forever be the BEST GRANDMA EVER. She will forever be with me. I love you, my Mita," tweet pa ni KC.

Liza dili feel ang GMA-7

Gipadayag ni  Liza Soberano nga nakapirma siya og kontrata  niadto sa  GMA Artist Center apan iya dayon kini nga gibakwi  human gitanyagan siya og proyekto sa  ABS-CBN.

" After ko mag-sign sa GMA, tumawag ang Star Magic"  tsika pa sa aktres ngadto sa  ABS-CBNews.com atol sa shooting sa  "Forevermore" didto sa Tuba, Benguet.

Bisan pa man sa mga proyekto nga giandam sa GMA alang kaniya, ang batan-ong aktres wala magduha-duha sa pagbalhin sa ABS-CBN gumikan kay suki na gyud siya nga  viewer sa Kapamilya Network sukad pa kaniadto.

Giklaro ni Liza nga wala siya'y bati nga relasyon sa GMA-7 apan dili lang gyud siya komportable niini.

Kahinumduman nga usa si Liza sa 12 ka Star Magic artists nga gipaila niadtong 2013 sa ABS-CBN kauban ang laing nagkasikat na nga mga batan-ong artista , kini sama nila ni Julia Barretto,  Janella Salvador, Jerome Ponce, Jane Oineza ug Kit Thompson kinsa kauban niya karon sa seryeng  "Forevermore."

Pipila sa mga proyekto sa aktres  sa ABS-CBN kaniadto mao ang afternoon series ni Jake Cuenca niadto nga "Kung Ako'y Iiwan Mo".

  Nalakip usab siya sa pelikula sa Star Cinema nga    "She's the One"  ug  kauban niya niini si  Enrique Gil . Nilugwa usab niadto si Liza sa pelikula  nila ni Daniel Padilla ug Kathryn Bernardo nga "Must Be Love". Subli  niya nga nakauban ang Kathniel sa seryeng  "Got to Believe" sa miaging tuig. (John Dante N. Obeso)

Vicky, Conie, Pia mga ba-ong co-anchors!

Mausab na matud pa ang dagway sa mga news programs sa GMA-7 sugod karong Lunes, November 10.

Kini suma pa sa http://www.medianewser.com , kansang kasaligang tinubdan nibutyag nga gitumong ang maong kausaban alang sa rating sa 24 Oras nga pildi matud pa sa TV Patrol.

Suma pa sa maong website, sugod karong Lunes, madugang na si Vicky Morales isip co-anchor nila ni Mike Enriquez ug Mel Tiangco.

Samtang ang pwesto nga mabakante ni Vicky isip co-anchor ni Arnold Clavio sa "Saksi" pulihan ni Pia Archangel.

Si Archangel, kinsa co-anchor ni Raffy Tima sa 'Balitanghali" sa GMA News TV, hulipan ni Conie Sison, kinsa magpadayon gehapon isip co-host sa Unang Hirit.

Loydie mulayas na sa ABS-CBN?

Gibutyag ni Jericho Rosales nga dili na mahinayon si John Lloyd Cruz sa teleserye unta nila ni Maja Salvador nga mao ang "Bridges."

Matud ni Jericho nga nausikan siya sa kahigayonan nga magkauban unta sila ni Loydie apan nakasabot matud pa siya sa rason sa pag-atras niini ug iya kini nga girespeto.

Rason matud pa ni Loydie mao nga niadtong gitanyag kining maong proyekto ngadto kaniya, giingnan siya nga Oktubre magsugod ang taping nila. Sa maong bulan usab natapos ang kontrata ni Loydie sa ABS-CBN, busa nangatarungan kini nga dili musugod og trabaho hangtud nga wala pa siya’y kontrata.

Dungan niini, gibutyag usab ni Echo nga si Xian Lim na ang gihulip sa role unta ni Loydie sa Bridges.

Samtang nibuto ang tsika nga dili na matud pa mo-renew si Loydie sa ABS-CBN. Ang aktor ug ang iyang uyab nga si Angelica Panganiban nilupad niadtong Lunes sa gabii alang sa usa ka bakasyon sa gawas sa nasud, diin usab hunahunaon sa aktor ang musunod niya nga lakang sa iyang career.