Mavericks mitikang sa NBA West Finals

CEBU, Philippines — Si Luka Doncic mirehistro og triple-double samtang si P.J. Washington milansang og krusyal nga mga free throws sa hilimatyong segundos sa dihang ang Dallas Mavericks mipapas sa 17 puntos nilang alkansi aron pakagingon ang Oklahoma City Thunder, 117-116, ug mo-abante sa NBA Western Conference finals kagahapon didto sa American Airlines Center sa Dallas, Texas.

Ang Mavericks milupig sa Thunder sa baraha nga 4-2 sa ilang best-of-seven semifinal series aron pagtikang sa conference finals sa ikaduhang higayon sud sa tulo ka tuig.

Ilang sangkaon sunod ang defending champion Denver Nuggets o ang Minnesota Timberwolves nga magtiwas sa Game 7 karong adlawam didto sa Denver.

Si Doncic mipupo og 29 puntos, 10 ka rebounds, ug 10 ka assists. Sila si Kyrie Irving ug Derrick Jones Jr. mihipos og 22 puntos matag usa samtang si Dereck Lively miamot og 12 puntos alang sa Mavs.

Si Washington mi-iskor sa tanan niyang nuybe puntos sa katapusang kuwarter, apil niini ang duha ka free throws sa pinal nga 2.5 segundos nga maoy nagsilyo sa kulbahinam nga daog sa Mavs.

Si Shai Gilgeous-Alexander mipabuto og 36 puntos alang sa Thunder, nga misukarap human milabaw og 17 puntos sa sayong bahin sa ikatulong kuwarter.