Randall Cup 2024 sa Homeboys Basketball kasado na

CEBU, Philippines — Ang Homeboys Basketball inabagan sa Hustle Hard mopahigayon sa ilang Randall Cup 2024 Summer League sugod ugmang adlawa, Abril 13, didto sa Cebu Eastern College (CEC) lower courts.

Ang tinuig nga torneyo gituyo agi'g paghandum ni anhing Randall Joseph Prado nga maoy nagtukod sa liga. Unom ka koponan ang mopakita'g aksiyon.

Kini mao ang Homeboys Original ni Christopher Rey Toper  Caruana, Conching Electrical ni Yampoy Po, Eannice ni Vince Castro, Nexgen ni Christian  Assassin  Diaz, Underdogs ni Webster Ong ug Breggs Alontaga, ug CEC-BDL (Ball Don t Lie) ni Duke Zabala. Moduwa sila og single round robin sa eliminasyon diin ang top 4 teams mo-abante sa crossover semifinals. Ang mga mananaog mag-engkwentro sa tinagakay nga kampiyonato.Ang liga modagan sud sa pito ka Sabado.