Coach sa Clippers gipamulta'g $35,000
CEBU, Philippines — Ang head coach sa Los Angeles Clippers nga si Tyronn Lue gipamulta og $35,000 sa NBA human gi-akusahan niini ang mga reperi nga nanikas aron sa ilang kadaogan batok sa Golden State Warriors.
Sa usa ka pamahayag, ang opisyal sa liga nga si Joe Dumars nagkanayon nga ilang gipahamtangan og silot si Lue tungod sa pagpanaway niini sa officiating ngadto sa publiko ug ingon man sa pagkuwestiyon niini sa integridad sa mga opisyal sa duwa human sa 130-125 nilang pagpakaging sa Warriors niadtong Huybes didto sa Chase Center sa San Francisco, California.
Si Lue na-ejected sa katapusang kuwarter sa gubot kaayong duwa diin ang Clippers nakabawi human mibiyai og nuybe puntos aron patikangkangon ang Warriors.
Human sa duwa, dunay usa ka footage ang gi-post sa social media diin makita si Lue nga suko kaayong nagsiyagit duol sa locker room sa Clippers.
"Where the refs at now? Cheating. That's all they be doing," birada pa ni Lue.
Makita sab si Lue nga daw sa nag-hanting ni James Williams, usa sa tulo ka mga reperi sa maong duwa.
"Where James at? The referee. I want to kick him in the mouth," dason pa ni Lue.
Ang Clippers miratsada ning bag-ohay pa lamang diin sila midaog kapito sa miagi nilang 10 ka duwa aron pagkatkat sa ikatulong dapit sa Western Conference bitbit ang 36-17 rekord.
- Latest
