Geralde, Narido nanghawod sa CCTC tourney

CEBU, Philippines — Ang pares nilang Rommer Geralde ug Jerson Narido maoy nangu sa listahan sa mga mananaog sa labing uwahing torneyo nga gipasiugdahan sa Consolacion Cebu Tennis Club (CCTC). Sila si Geralde ug Narido milupig nilang Marvin Loayon ug Michael Barral aron paglugwa nga kampiyon sa class A.

Sa laing bahin, sila si Arniel Ceniza ug Rene Navarro naghari sa B+ category human gibuntog sila si Patrick Roa ug Raphael Maturan.

Sa class B, sila si Liel Luchavez ug Rafael Maturan milupig nilang Judgesam Tumabini ug Chris Lawrence Villarin aron sakmiton ang korona, samtang sila si Junje Dinoy ug Alden Montecillo mipatigbabaw nilang Juliet Nator ug Corsing Benolaga aron langkaton ang titulo sa division C.

Gawas nga mitambong sa awarding, si Consolacion Mayor Teresa "Nene" P. Alegado mao sab ang nangu sa seremonyas sa pormal nga paghurar sa mga opisyales sa CCTC ning tuiga nga gipangulohan sa presidente gihapon nilang si Reynaldo "Dodong Rex" Pepito uban ni Hector Belci a isip bise presidente.

Ang ubang mga opisyal sa CCTC mao sila si Wendell Bragas (secretar), Flordelize Hingoyon ((treasurer), Filamer Perez (auditor), Juliet Nator ug Jonathan Gerungco (PRO),  Arniel Ceniza, Prenotz Samoza ug Edison Ferrarine (sergeant at arms), Al June Ceniza (safety officer), Abel Maglasang (graphic artist), Dwight Alivio ug Shawn Reuyan (court adviser) ug Dixon "Otik" Gillaco (court manager). Ang mga Board of Directors naglangkob nilang Doc Villar, Engr. Mon Seno, Arnel Edano, Ian Guillena, Roque Hingoyon, Corsing Benologa, Rene Navarro, Alan Varga, Ben Pintor, Alejandro Dinoy, ug Lito Pescador.