CEBU, Philippines — Ang mga pambato sa University of Cebu (UC) ubos sa paggiya ni coach Glendo Nayre milangkat sa tanang upat ka tropeyo sa kampiyonato sa table tennis event sa Cebu Schools Athletic Foundation, Inc. (CESAFI) Season 23.
Sa college division, sila si Kent Edwin Abellanosa, Franzess Nino Honoridez, Patrick Ladera, Le Vhin Villanueva, ug Clark Anthony Moreno mituboy sa UC ngadto sa korona sa men's team.
Ilang gibuntog ang University of San Jose-Recoletos (USJ-R) nga gilangkoban nilang James Tampus, Mcgyver Nituda, Michael Segovia, ug Niño Apa sa final, 3-1.
Sa women's, sila si Mikylla Therese Dinauanao, Krizzia Lauren Acaylar, Leah Agbon, Aira Macabinguil, ug Allana Felize Salar mitunol og gold medal sa UC human gipatikangkang ang University of San Carlos (USC) nilang Enicka Echavez, Cathryn Pasaol, Gerly Zausa, ug Katrina Pacuan sa iskor nga 3-0.
Sa high school, dobleng kalamposan sab ang na-angkon sa UC. Ilang gilangkat ang boys title ubos sa pagpangu nilang Andrie Caballes, Rafael David Misa, Gabriel David Misa, Arian Caballes, ug Harvey Durano Jr..
Nanghawod sab sila sa girls category luyo sa paningkamot nilang Kristienne Kaye Alicaya, Neve Gabrielle Mata, Melanie Galeon, Ayesha Caballes, Miguela May Honoridez, ug Joan Louise Honoridez.