Pinoy Champ modepensa bakus batok Puerto Rican
MANILA, Philippines - Magbinukbokay na ibabaw sa ring silang WBO minimumweight world champion Melvin “Gringo” Jerusalem batok sa Puerto Rican challenger nga si Oscar Collazo sa Indio, California isip co-feature sa fight card sa main event tali nilang Alexis Rocha batok ni Anthony Young.
Ang Pinoy puncher nga si Jerusalem walay problema nga nakuha ang 104.6 lbs. samtang ang iyang kaatbang nga si Collazo eksaktong nakatungtong sa 105 pound limit.
Apan bisan og si Jerusalem pa ang nagkupot sa bakus, siya gihapon maoy underdog kay mas gipaboran sa mga sugarol ang bagitong si Collazo.
Dili na hinuon kini bag-o kang Jerusalem, kay sa dihang iyang nailog pinaagi sa knockout ang maong bakus nga iyaha karong gidepensahan gikan ni Japanese boxer Masataka Taniguchi diha mismo sa iyang tugkaran siya sab maoy underdog kaniadto.
Mao kini ang naghatag kaniya og gana para maningkamot.
“It motivates me more knowing that I am the champion and yet the underdog in this fight. As much as possible I don’t want to take chances of leaving the outcome of the fight to the judges. It is my first title defense and I will not just give away my belt. I want to be champion for a long time and I will show on Sunday why I am a world champion,” pagpasabot pa ni Jerusalem.
Ang maong sangka gidalit sa Golden Boy Promotions ni Oscar Dela Hoya ug Miguel Cotto Promotions ni Miguel Cotto.— IBM
- Latest
