Kai Sotto mitapon sa Japan B. League
CEBU, Philippines — Human mibiya sa Adelaide 36ers sa Australian National Basketball League, ang Pinoy'ng basketbolista nga si Kai Sotto adto mangindahay sunod sa Japan.
Kagahapong adlawa, ang 7'3" nga sentro mipirma og kontrata uban sa Hiroshima Dragonflies aron mamahimong kabahin sa ilang lineup alang sa 2022-2023 Japan B. League season.
Sa wala pa motapon sa B. League, si Sotto mipakita'g aksiyon uban sa 36ers sa NBL sud sa duha ka seasons.
Isip starting center sa katapusan niyang season, mi-average siya og 6.81 puntos ug 4.48 rebounds matag duwa.
Ang pagbira sa Hiroshima ni Sotto nahitabo human ilang gibuhian ang Pinoy nilang import nga si Justine Baltazar.
Sa pagka karon, ang Dragonflies anaa sa ikaupat nga puwesto sa B. League standings bitbit ang 27-9 win-loss record.
- Latest