^

Banat Palaro

Team CK, Simple Blends 6-0 na

Emmanuel B. Villaruel - Banat

CEBU, Philippines — Gilampaso sa Team CK ug Simple Blends sa ilang mga kontra aron inaton ang mainit nilang ratsada ngadto sa 6-0 sa Hoop Nation-Arlon Cup Season 2 didto sa City Sports Club-Cebu gym.

Si Deej Villanueva miposa og upat ka tres sa iyang 16 puntos aron pangulohan ang CK ngadto sa 86-56 nga pagbugha sa Plur, samtang si RJ Acha mihipos og 18 putnos, pito ka rebounds, ug upat ka assists sa dihang gikastigo sa Simple Blends ang Young Chiefs, 105-69.

Ang JSA nagpabilin sab nga way pilde sud sa upat ka duwa human gipaluhod ang Prayboys, 73-68, ubos sa pagpangu ni  Rickymar Berdin nga mitali og 16 puntos, lima ka rebounds ug duha ka assists.

Sa laing bahin, ang JKV ug Sinai Mountain Resort parehong misaka sa ilang baraha ngadto sa 4-1.

Si Kelvin Cinco mipabuto og 22 puntos, lima ka rebounds ug usa ka steal sa dihang gibuntog sa JKV ang Tried Door,  58-53, samtang si Herbert Abasanta mitagak og 29 puntos, pito ka rebounds ug upat ka assists sa 84-73 nga pagpakaging sa Sinai sa Brothers.

Sa laing mga aksiyon, ang Trojan Warriors midaog sa ikatulong higayon sa upat ka duwa human nakaipsot sa TCLA, 75-73, ang Livelux.Life mipiog sa Venoms, 83-77, aron pagkupot og 3-2 nga marka, samtang ang Mt. View Village mipaksit sa S.I.V, 82-71, aro tablahon ang ilang baraha ngadto sa 3-3.

Si Gino Sollano mipaulbo og 31 puntos, walo ka rebounds ug duha ka blocks alang sa Trojan Warriors, si Miguel Gastador ang bida sa Livelux.Life bitbit ang 30 puntos, 10 ka rebounds ug duha ka steals, samtang si John Carl Aquillo miharos og 19 puntos, lima ka rebounds ug duha ka assists alang sa Mt. View Village.

Sa ubang mga resulta, ang Koruna Assist miyabo sa Sheraf Bistro, 74-65, aron tablahon ang ilang record sa 2-2 samtang ang Imperium Event mibihag sa Parokya Ni Edgar, 84-74, alang sa ikaduha pa lamang nilang daog sa lima ka duwa.

Si Hope Gideon mibahug og 22 puntos, walo ka rebounds, ug duha ka assists alang sa Koruna Assist samtang si James Villafuerte mitimbre og 36 puntos, unom ka rebounds, ug tulo ka assists alang sa Imperium.

SPORTS

Philstar
  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with