Gilas gipayaka og usab ang Korea

CEBU, Philippines — Giusban og parot sa Gilas Pilipinas ang South Korea, 82-77, aron pagkumpleto og 3-0 sweep sa FIBA Asia Cup qualifiers niadtong Dominggo didto sa AUF Gym sa Angeles City, Pampanga. Tungod niini, gipamatud-an sa batan-ong Gilas nga dili tsamba ang 81-78 nilang daog batok sa mga Koreano nilang karibal niadtong Miyerkules.           

Si Dwight Ramos maoy nangu sa Gilas bitbit ang 19 puntos samtang sila si Jordan Heading, Kai Sotto, ug RJ Abarrientos miamot og 10 puntos matag usa.

Sa kinatibuk-an, gitapos sa Pilipinas ang ilang kampanya sa FIBA qualifiers uban ang perpektong 6-0 record nga nakahatag kanila og awtomatik nga luna sa FIBA Asia Cup karong Agosto didto sa Jakarta, Indonesia.