_banat
^
Tucker miluwas sa Lakers

Tucker miluwas sa Lakers

Yoyo R. Abayan (Banat) - May 13, 2021 - 12:00am

CEBU, Philippines — Na-anghelan pa ang Los Angeles Lakers human mapasud ni Talen Horton-Tucker ang iyang go-ahead 3-pointer sa nahabiling 21.1 segundos aron pagpukan sa New York Knicks, 101-99 sa overtime didto sa Staples Center sa Los Angeles, California.

Sa maong daog, nidako ang paglaum sa Lakers nga malikay sa play-in tournament ug ilang napugngan ang Knicks pagbira og luna sa post-season.

Naggukod ang Knicks, 93-98 sa nahabiling 1:56, apan mitala og unom ka sagunson nga puntos, apil na ang 3-pointer ni Julius Randle sa nahabiling 1:11 aron sakmiton ang labaw. Sa maong duwa nga 23 ka higayon nga nagpuli-puli og labaw, si  Horton-Tucker migimaw uban ang mahinungdanong itsa nga gikinahanglan og maayo sa Lakers. Mikolekta siya og pito sa iyang 13 puntos sa overtime.

Si Kyle Kuzma nga wala moduwa niadtong Lunes tungod sa gihambin nga sakit sa iyang likod, maoy nangu sa opensa sa Lakers nga mikandos og 23 puntos ug ingon man si Davis Anthony nga mikabo og 20 puntos. Ang 39-30 nga Lakers biya og usa ka duwa sa Portland TrailBlazers ug Dallas Mavericks alang sa ikaunom nga puwesto sa Western Conference diin aduna na lang sila'y tulo ka nahabiling duwa sa regular season.

Si Randle mihipos og 31 puntos ug si Derrick Rose mitampo og 27 puntos sa Knicks nga nangandoy mobira sa labing unang luna sa  postseason sukad niadtong 2013. Ang New York,  Atlanta  ug Miami  nagtabla, 38-31, apan ang  Heat maoy miangkon sa ikaunom nga luna sa Eastern Conference.

Abante ang Knicks og tres puntos paingon sa fourth period, 76-73 ug milansang og nuybe sa unang 11 puntos sa maong kuwarter aron moposte og 85-75 nga bentaha sa nahabiling 7:39 sa duwa.

Ang Lakers nabiyaan og siyete sa katapusang singko minutos sa wala molusad og 9-2 nga rally ang Lakers aron pagtabla sa duwa, 89-all sa nahabiling 1:56 sa regulasyon.

Ang jumper ni Rose sa katapusang 1:37 mipalabaw sa Knicks og duha, apan wala sila maka-iskor sa ilang katapusang tulo ka posisyon. Si Kentavious Caldwell-Pope nasipyat sa iyang 3-pointer, apan nailog ni Wesley Matthews ang rebound ug miiskor aron pagtabla sa katapusang higayon, 91-all ug mipuwersa ngadto sa overtime. 

LOS ANGELES LAKERS
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with