^

Lakers, Clippers nagmadaugon

Yoyo R. Abayan (Banat) - April 15, 2021 - 12:00am

CEBU, Philippines — Nagmadaugon ang duha ka teams sa Los Angeles atol sa ilang pagpanulong batok sa tagsa-tagsa nilang mga kaatbang sa National Basketball Association sa duha ka managlahing binyu kagahapon.

Ang Los Angeles Lakers midaog batok sa Charlotte Hornets sa iskor nga 101-93 ubos sa pagpangulo ni Kyle Kuzma nga mipabuhagay og 24 puntos.

Si Dennis Schroder mikandos og 19 puntos ug si Andre Drummond mitampo lang og kuwatro puntos, apan milangkat kini og 10 ka rebounds alang sa Lakers nga mitapos sa ilang pito ka road games uban ang 4-3 record aron magpabiling sa ikalimang puwesto sa Western Conference bitbit ang 34-21 nga baraha.

Gipangulohan sab ni Devonte Graham ang Hornets nga mitusak og 19 points, gisundan ni Caleb Martin nga adunay 17 puntos ug 10 ka rebounds.  

Ang Lakers miposte og 10 puntos nga labaw sa himalatyong segundos sa third period kortesiya sa usa ka jumper ni Schroder. Apan gipahakan ang labaw ngadto na lang sa usa ka lugas sa nahabiling 1:54 sa lay-up ug usa ka 3-pointer gikan ni Graham. Aduna unta'y purohan nga makawat sa Hornets ang labaw dihang ilang ang ball possession, apan si Graham nakahimo og turnover ug si Alex Caruso miposa og hagtik nga tres sa katapusang 43 segundos. Si Graham nasipyat sa iyang 3-point attempt ug si Caruso mipasud og duha ka free throws aron hatagan ang Lakers og sayes puntos nga labaw sa nahabiling 28.1 segundos.

Didto sa Indianapolis, padayon ang pagka-dominante ni Paul George sa iyang kanhi koponan pinaagi sa pagpatuasik og 36 puntos sa ilang 126-115 nga kadaogan batok sa Indiana Pacers sa Bankers Life Fieldhouse sa Indianapolis, Indiana.

Si George aduna sa'y pito ka rebounds ug walo ka assists sa Clippers nga mirehistro sa ilang ikaunom ka sunod-sunod nga daog.

Nagkumboya'g 55 puntos silang Malcolm Brogdon ug Caris LeVert aron mangulo sa scoring sa Pacers. Si Brogdon miani og 29 puntos, samtang si LeVert mipupo og 26 puntos sa napildeng koponan. 

LOS ANGELES LAKERS
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with