Minugbo nga balita

'Lockdown' ang PSC

CEBU, Philippines — Sirad-an sud sa 10 ka adlaw sa tingtrabaho ang buhatan sa Philippine Sports Commission (PSC) human 63 ka mga kawani niini ang nagpositibo sa Covid-19 sa labing ulahing hugna sa testing. Ang administrative offices sa Rizal Memorial Sports Complex sa Manila ug ang Philsports Complex sa Pasig City ang sirado sugod kagahapon. Ang mga gimbuhaton sa PSC adto na trabahuon sa balay samtang ubos pa sa lockdown aron dili maputol ang ilang serbisyo

Fox gisagpa'g $20,000 nga multa

Guwardiya sa Sacramento Kings nga si De'Aaron Fox ang gisagpa og $20,000 nga multa sa NBA kagahapon sa iyang pagsaway sa officiating human sa ilang 128-112 nga kapildihang ngadto sa Utah Jazz niadtong weekend didto sa Salt Lake City. Si Fox miiskor og 30 puntos atol sa maong kapildihan. Nag-average siya og 24.7 points ug 7.2 assists sa season.