^

Heat midaog sa Lakers sa NBA Finals rematch

Yoyo R. Abayan (Banat) - February 22, 2021 - 12:00am

CEBU, Philippines — Nagdilaab ang kainit sa Miami Heat ug gipahubsan sa kusog ang Los Angeles Lakers, 96-94 sa ilang NBA Finals rematch kagahapon didto sa Staples Center sa Staples Center sa Los Angeles, California.

Si Kendrick Nunn mikadlit og 27 puntos, si Jimmy Butler miduslit og 24 puntos ug walo ka rebounds ug si Bam Adebayo midagkot og 16 puntos ug 10 ka rebounds alang sa Heat.

Mao kini ang ilang unang sangka sukad ang Lakers nidaog sa ilang ika-17 nga kampiyonato sa Game-6 didto Florida bubble upat ka bulan na ang nilabay.

Si  LeBron James mikandos og 19 puntos, siyam ka rebounds ug siyam sab ka assists sa defending NBA champions nga napilde sa ikaduhang sunod-sunod nga higayon nga wala ang ilang starters nga sila Anthony Davis ug Dennis Schröder.

May purohan pa unta nga makawat sa Lakers ang daog human nailog ni James ang inbound pass sa Heat sa nahabiling 8.4 segundos sa duwa. Dali nga gipasa ni James ang bola ngadto ni  Alex Caruso, apan mikagar ang iyang 3-pointer dayon kapupos sa oras.

Ang Lakers nakatilaw sa ilang sunod-sunod nga pilde sa unang higayon sukad niadtong Enero 27 ug 28 batok sa Brooklyn Nets ug Miami sa Staples Center.

Si Davis napalta sa ikatulo niining sagunson nga duwa human makaangkon og injury sa niadtong miaging weekend, samtang si Schroder wala sab kaduwa sa ikaduhang sunod-sunod nga higayon agi'g pagsunod sa mga patakaran sa panglawas ug kaluwasan sa liga.

Miiskor og 23 puntos si Kyle Kuzma, apil ang upat ka 3-pointers ug si Montrezl Harrell adunay 18 puntos ug 10 ka rebounds alang sa Lakers nga nakatilaw sa ikatulo nilang pilde sa 11 ka duwa.

Sa lain pang mga resulta, ang Charlotte Hornets midaog sab og dos puntos batok sa Golden State Warriors, 102-100, ang Chicago Bulls misungag sa Sacramento Kings, 122-114, ang Phoenix Suns mipakaging sa Memphis Grizzlies, 128-97 ug ang Washingtong Wizards midaog sa Portland TrailBlazers sa iskor nga 118-111. 

NBA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with