^

ARQ Builders Lapu-Lapu Heroes mipaila sa team alang sa Pilipinas VisMin Super Cup

Yoyo R. Abayan (Banat) - January 17, 2021 - 12:00am

CEBU, Philippines — Ang ARQ Builders sa pakigtambayayong sa kagamhanan sa Dakbayan sa Lapu-Lapu ubos sa liderato ni Mayor Junard 'Ahong' Chan, pormal nga mipaila sa ilang hugpong sa mga magduduwa alang sa labing unang Pilipinas VisMin Super Cup nga gikatakdang sugdan karong Abril 9 sa usa ka bubble format ubos sa estriktong health and safety protocols nga gimando sa kagamhanan.

Gipangulohan sa team owner businessman ug sportsman Jason Arquisola, team manager Rico Amores ug head coach Rommel Rasmo, ang ARQ Lapu-Lapu Heroes gilangkuban sa mga kanhi PBA, commercial ug collegiate stars nga naglakip ni Reed Friar Juntilla, Jojo Tangkay, Hafter Mondragon, Jerick Cañada, Franz Arong, Luther Luke Justiniani, Mobert Arong ug John Abad. Makig-alayon sila sa puwersa uban sa laing basketbolista nga lumad sa Dakbayan sa Lapu-Lapu sama nilang Rino Berame, Jerry Lomongsud, Jason Melano, Lloyd Solis, Ricric Ochea, Anchor Igot, Miguel Tabaloc ug Jestoni Baclaan.

"Our family is very passionate about basketball. We are very thankful to the Vismin Super Cup for giving us this kind of platform. Hopefully this league will really push through in April,"  matud pa ni Arquisola atol sa grand launching sa team niadtong BIyernes didto sa  Popo's Lechon sa Paseo de Amores.

"The City of Lapu-Lapu is giving its full support to the team so long as all protocols are being followed," sumala pa ni Amores, kinsa usa sab konsehal sa maong dakbayan.

Ang kalihukan gitambongan sab mismo ni Vismin Cup ambassador Dondon Hontiveros ug Secretary-General Marvin Caro.

Sa pagka karon, aduna na'y pito ka teams ang nipadayag sa ilang partisipasyon sa Super Cup diin tuyo niini mao ang pagdiskubre og mga talento ug paghatag og oportunidad sa  magduduwa sa mga probinsiya.  Gawas sa ARQ Builders, ang laing mga koponan nga mosalmot gikan sa Visayas mao ang KCS-Mandaue ni Ricky Verdida ug MJAS-Talisay City.

Mga koponan nga mokumbati gikan sa Mindanao mao ang Zamboanga Valientes ni Rolando 'Junnie' Navarro,  Pagadian Explorers nilang Mayor Samuel Co ug Rene 'Dodong' Pamaran ug duha sa Zamboanga del Norte municipalities sa Sindangan ni Sonny Diaz ug President Manuel A. Roxas ni Mayor Jan Hendrick Vallecer.

Sa sayo pa, si Rocky Chan, ang  head of basketball operations sa VisMin Super Cup miingon nga tinguha nilang moabot og 12 ka teams mosalmot  sa ilang inaugural season nga modagan sud sa 25 ka adlaw.

ARQ BUILDERS
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with