CEBRA referees ebalwiton karong Sabado

CEBU, Philippines — Ang Cebu Basketball Referee Association (CEBRA) mopahigayon sa ilang katapusang miting karong tuiga.

Himuon kini karong Sabado, Disyembre 5 sa alas-8 sa buntag diha sa Cebu Coliseum.

Tuyo sa maong tigum mao ang pag-evaluate sa tanang miyembro tungod kay wala na sila'y komunikasyon o wala na nila makontak tungod sa pandemiya nga miulbo niadtong Marso.

"Ebalwiton namo kon aktibo pa ni sila kay naa man gud mi monthly dues. Naa sab mi bayranan para renewal sa Securities and Exchange Commission (SEC) matag tuig," matud pa ni Cebu Schools Athletic Foundations Inc. (CESAFI) head referee Edwin Dejacto nga mao sab ang founder sa CEBRA.  Hisgutan sab sa maong miting mao ang membership, monthly dues, uniform ug uban pa.

Kining maong miting gipatawag gyud mismo ni CEBRA president Ed Aguelo ug CESAFI deputy Danny Duran.

Ang dili motambong sa miting pahamtangan og penalty.