Thirdy Ravena nagrekober gikan sa COVID-19 sa Japan
CEBU, Philippines — Ang Pinoy'ng basketbolista nga si Thirdy Ravena padayon karong nagrekober human nagpositibo sa Covid-19 didto sa Japan. Matud pa sa inahan ni Thirdy nga si Mozzy, nga mapasalamaton kaayo sila gumikan kay wala na'y hilanat ang iyang anak sa dihang iya kining nakaestorya niadtong Sabado.
Sa iyang bahin, ang amahan ni Thirdy nga si TNT head coach Bong Ravena nasayod sa subo nga balita atol sa pag-abante sa Tropang Giga sa PBA Philippine Cup finals niadtong Biyernes.
Nagkanayon si Ravena nga dili malikayan nga bation sila og tumang kabalaka ilabi na kay nag-inusara ang iyang anak nga nanimpad didto sa Japan isip import sa San-En NeoPhoenix sa B. League.
“Mahirap kung sa mahirap. His condition is normal naman. Worried lang kami kasi mag-isa lang sya doon,” matud pa ni Ravena. Si Thirdy dunay gipamati sa iyang lawas niadto pang Huwebes diin siya gihilanat ug nagsakit ang tutonlan. Gidala siya sa duol nga health center ug nasuta nga nataptan siya sa gikahadlokang virus.
- Latest
