Panaghiusa, Olympic gold misyon ni Tolentino

CEBU, Philippines — Si Abraham Tolentino nakaangkon og lab-as nga upat ka tuig nga mandato isip presidente sa Philippine Olympic Committee (POC).

Miangkon si Tolentinon nga daghan og hagit nga nagpaabot kaniya sa unahan, apan mipasalig siya nga iyang butahon tanan kutob sa iyang mahimo aron makahatag og maayong kaugmaon ang kalibotan sa paugnat sa kusog sa nasud. Nag-una sa listahan ni Tolentino mao ang paghiusa sa nagkabangi nga mga grupo sa PHl sports ug dayon ang pagtabang sa mga atleta sa tinguha nga mabira sa Pilipinas ang dugay na kaayo niining gihandum nga labing unang gold medal sa Olympics.

“We have a lot of challenges next year, a lot of big competitions outside especially the Tokyo Olympics. This might be our first ever gold and we have to focus on that,” matud pa ni Tolentino human gipilde si Clint Aranas sa eleksiyon, 30-22 niadtong Biyernes.

Walo sa 10 ka mga sakop ni Tolentino ang midaog sab sa eleksiyon. Ang duha ka mga batos ni Aranas nga midaog mao sila si  Steve Hontiveros ug Charlie Ho.