Marc Gasol sa Lakers na
CEBU, Philippines — Gipalig-on og samot sa Los Angeles Lakers ang umaabot nilang kampanya pagdepensa sa ilang koronapinaagi sa pagkuha og usa ka bigman nga dunay kasinatian sa kampiyonato ug kansang karera nagsugod uban kanila.
Gitaho sa ESPN nga gipinalisar na karon sa Lakers ang duha ka tuig nga kontrata uban sa sentrong si Marc Gasol, kinsa dako og natabang sa Toronto Raptors paglangkat sa labing una niining titulo sa NBA niadtong 2019.
Aron mahawanan ang ilang salary cap sa tinguha nga makuha si Gasol, si Lakers general manager Rob Pelinka mi-trade ni JaVale McGee ug sa umaabot nilang second-round pick ngadto sa Cleveland Cavaliers. Isip puli, ang Cavs mopadala nilang Jordan Bell ug Alfonzo McKinnie sa Lakers. Gamit kaayo ang pagtikang unya sa 35-anyos nga si Gasol sa Lakers tungod sa pagbiya nilang McGee ug Dwight Howard nga mitapon sa Philadelphia 76ers. Iyang makauban sa labing unang higayon sila si LeBron James ug Anthony Davis.
Si Gasol, ang 2012-2013 Defensive Player of the Year, gi-draft sa Lakers niadtong 2007, apan gi-trade sab siya dayon ngadto sa Memphis Grrzzlies hulip sa iyang maguwang nga si Pau Gasol bisan og wala pa siya makaduwa bisan kausa sa NBA.
- Latest
