Abueva misalida dayon
CEBU, Philippines — Ang gikahadlokang "The Beast" nga si Calvin Abueva misalida gilayon sa iyang pagbalik sa PBA human sa 16 ka bulan nga pagka-suspenso.
Si Abueva mitali og 21 puntos uban ang 13 ka rebounds ug pito ka assists sa dihang gipakaging sa Phoenix Super LPG Fuel Masters ang NLEX Road Warriors, 114-110 sa PBA Philippine Cup bubble play niadtong Lunes didto sa AUF Sports Arena sa Angeles City, Pampanga.
"Pinaghandaan ko ang first game ko. Itinulog ko ng maaga, nag-extra rice at ang mindset ko kung paano mananalo," sumala pa ni Abueva.
Sila si Matthew Wright, Jason Perkins ug Justin Chua dako sab og natampo sa Fuel Masters nga madasigong mibangon human malubong og 14 puntos sa ikatulong kuwarter dayon na ngadto sa pagbuntog sa NLEX.
Si Wright mipupo og 28 puntos, apil na ang upat ka tres, si Perkins mikolekta og 20 puntos ug 13 ka rebounds, samtang si Chua miamot og 19 puntos alang sa Fuel Masters nga nagbitbit na karon og 4-2 win-loss record.
Gikalipay og dako ni Abueva ang mga paningkamot sa iyang mga kauban,
Si Raul Soyud mitali og career-high 27 puntos, samtang sila si Kiefer Ravena ug JR Quinahan mitali og 18 puntos matag usa, apan nakawang ang ilang paningkamot kay ang NLEX nakatilaw sa ikalima nilang pilde nga giatbangan og usa ka daog.
- Latest
