Tyler "Herro" sa Heat, 3-1 na
Emmanuel B. Villaruel (Banat) - September 25, 2020 - 12:00am

CEBU, Philippines — Sumusulbong nga bitoon nga si Tyler Herro mirehistro og career-high 37 puntos sa dihang ang Miami Heat nakaipsot batok sa Boston Celtics, 112-109 aron pagposte og 3-1 nga bentaha sa ilang "best-of-seven" NBA Eastern Conference Finals kagahapon didto sa Orlando, Florida.

Si Jimmy Butler miduslit og 24 puntos, si Goran Dragic mihaling og 22 puntos, samtang si Bam Adebayo midagkot og 20 puntos ug milangkat og 12 ka rebounds alang sa Heat nga nanginahanglan na lang og usa ka daog aron langkaton ang Eastern Conference title ug  ingon man moabante sa NBA Finals sa labing unang higayon sud sa pito ka tuig.

Puwede nang makab-ot sa Heat ni Fil-Am coach Eric Spoelstra ang maong tumong kon ilang pildihon pag-usab ang Celtics sa Game-5 karong Sabado.

Sa laing bahin, ang Los Angeles Lakers mosuway og inat sa 2-1 nilang labaw sa Western Conference Finals sa dihang sangkaon nila og usab ang Denver Nuggets sa Game-4 sa kaugalingon nilang serye karong alas-9 sa buntag.

Si Herro miposa og lima ka tres, ang usa niini nakahatag sa Heat og 98-90 nga labaw sa katapusang kuwatro minutos sa duwa.

Ang Celtics nakakamang ngadto sa tres puntos duha ka higayon, ang katapusan sa nahibilin nga 16 segundos gumikan kay sila si Herro ug Butler milansang sa krusyal nilang mga free throws aron pagsilyo sa sikit kaayo nilang daog.

Si Jayson Tatum maoy nangu sa Celtics uban ang 28 puntos. Si Jaylen Brown miiskor og 21, si Kemba Walker dunay 20 puntos, si Gordon Hayward mitali og 14 puntos, samtang si Marcus Smart mihipos og 10 puntos ug 11 ka assists, apan silang tanan naminghoy kay pakyas pagtabla sa serye gumikan sa ilang kapildihan.

TYLER HERRO
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with