Panginahanglan sa PBA
Players atimanon sud sa Clark bubble
CEBU, Philippines — Seguraduon sa PBA nga matubag ang tanang panginahanglan sa players sud sa bubble nga ilang iplastada didto sa Clark sa Angeles, Pampanga.
Pipila ka mga pasilidad ug kalingawan ang tuyo nilang ibutang aron mamenosan ang pagkaluya ug ingon man posibleng mental issue nga moulbo sud sa bubble nga mahitabo sa labing unang higayon sud sa 45 ka tuig nga kasaysayan sa liga.
"Imagine being together for two months doing nothing but stay in the hotel. What's the reason we chose Clark is because of the facilities that they can offer," matud pa ni PBA Board chairman Ricky Vargas.
Ang konsepto sa PBA bubble ilang gisunod gikan sa NBA nga mihimo og bubble didto sa Walt Disney World sa Orlando, Florida diin ang mga players makaduwa og golf, tennis, bowling ug uban pa.
Dili man tuod pareho ang ikatanyag sa PBA, apan si PBA commissioner Willie Marcial mipasalig nga duna silay igong ikadalit aron malingaw ang mga players samtang sila matanggong sulod sa Clark bubble.
"Puwede silang mag-golf, puwedeng mga water sports. Balak din naming maglagay ng screen para puwedeng makapanood sila sa gabi," sumala pa ni Marcial." Maglalagay din kami ng bilyaran, table tennis, tsaka kung ano pa ang puwede."
Sa laing bahin, ang PBA mogasto og P65 million sa plano niining bubble didto sa Clark.
Matud pa ni Vargas sa TNT KaTropa nga mao kini ang pundo nga ilang ipagawas sa ambisyoso nilang proyekto nga ilang paagi paghatag og balik sa ilang mga fans nga wa;y puas nagsuporta sa liga sa milabay'ng lima ka dekada.
Segun sa ilang plano, ang 350 ka delegasyon sa PBA adto mopuyo sa Quest Hotel sa Clark sud a duha ka bulan ug moduwa sa duol nga Angeles University Foundation.
Gibutyag ni Vargas nga nakakuha sila og diswkento sa mga binyu ug nalibre ang ilang Covid-19 testing pinaagi ni Bases Conversion and Development Authority President/CEO Vince Dizon ug Clark Development Corp. President Noel Manankil.
- Latest
