Tanang SMB teams negatibo sa COVID-19
CEBU, Philippines — Nag-negatibo sa tanang Covid-19 tests ang tibuok pamilya sa San Miguel Corporation.
Ang resulta sa swab tests sa tanang players ug opisyales sa Barangay Ginebra, Magnolia Hotshots ug San Miguel Beermen gipagawas niadtong Lunes ug walay bisan usa kanila ang nagpositibo sa gikahadlokang coronavirus.
Ang mga tests gipahigayon sa miaging semana ubos sa inisyatiba ni SMC President ug Chief Operating Officer (COO) Ramon S. Ang.
"Kinakabahan papunta ng hospital and kinakabahan (nung procedure) kasi first time ko lang ma-test," matud pa sa beteranong Magnolia guard nga si Mark Barroca segun sa taho sa PBA.ph. Gawas nga nag-negatibo ang resulta, malipayon sab si Barroca sa oportunidad nga nagkita sila og balik sa iyang mga teammates atol sa testing. "Masaya kasi nakita ko yung mga teammates ko at mga iba pang PBA players," dugang pa ni Barroca kabahin sa iyang kasinatian.
- Latest
