Caidic dunay tambag sa Gilas

CEBU, Philippines — Hatagi og atensiyon ug baira og maayo ang inyong shooting.

Mao kini ang tambag ni PBA legend Alan 'The Triggerman' Caidic ngadto sa Gilas Pilipinas sa cadet program niini alang sa 2023 FIBA World Cup.

Si Caidic nga nahimo sab nga sakop sa national team atol sa iyang panahon, nagkanayon nga ang pagporma og sayo sa team mahinungdanon kaayo kon gusto ang nasud nga makaporma og usa ka lig-ong koponan alang sa sunod nga World Cup.     

Si Caidic miyembro sa Philippine team nga nakampiyon sa 1986 Asian Championship ubos ni coach Ron Jacobs.

Gilantaw ni Caidic sila si Isaac Go, Matt ug Mike Nieto ug Thirdy Ravena nga mamahimong haligi sa Pilipinas sa umaabot.

Apan aron mas katahaan sa ilang mga karibal, si Caidic miingon nga kinahanglan nga pahaiton og maayo sa mga sakop sa national team ang ilang tinirahan, butang kini nga andam siyang motabang.

“I’m more than willing to help kasi nasasaktan din ako pag nakikita kong Philippines 3 of 30 sa three-points, nakaka-frustrate, di ba? Siguro yun ang isang dapat bigyang pansin,” sumala pa ni Caidic.