Gab nangayog tabang
CEBU, Philippines — Ang Games and Amusements Board (GAB) nga gipangulohan ni chairman Abraham 'Baham' Mitra nangayo og tabang alang sa mga lisensiyadong boksidor, trainers ug uban pang contact sport professional athletes nga apektado sa "No Work No Pay" policy nga resulta sa enhanced community quarantine.
Sa managlahing suwat nga ilang gipadala ngadto ni Department of Labor and Employment (DOLE) Secretary Silvestre Bello III ug ni Department of Social Welfare and Development (DSWD) Secretary Rolando Joselito Bautista, ang GAB nanghinaut nga ang mga licensed boxers, trainers and contact sport pro athletes maapil unta sa social amelioration program sa kagamhanan.
Ang mga suwat gipirmahan ni Mitra ug GAB commissioners Eduard Trinidad ug Mario Masanguid.
Miingon ang GAB nga kining mga indibidwal dili makagamit sa ilang propesyon sa pagka karon gumikan sa community quarantine ug gumikan niini wala sila'y kita.
"The P5,000-P8,000 social amelioration program will help them survive these hard times in our nation's history," matud pa sa GAB sa sulat niini niadtong Abril 1. "This initiative is in accordance with Republic Act No. 11469 or the Bayanihan to Heal as One Act, which seeks to address the looming impact of COVID-19 or Wuhan virus in the country."
- Latest