CEBU, Philippines — Si Marc Pingris ug ang suod niyang higala nga June Mar Fajardo mipunting sa ilang atensiyon pagduwa og DOTA aron magpabilin silang aktibo samtang ang nasud gipaubos sa quarantine tungod sa COVID-19 pandemic.
"Hindi kami magkasama (naglalaro ng DOTA). Nasa bahay ako, siya naman nasa condo niya," matud pa ni Pingris segun sa taho sa PBA.ph.
"Somehow magandang therapy ito at nalilibang kami. Pero para sa akin more dasal and gym. Then, tumutulong sa bahay sa paglilinis and nakikipaglaro sa mga bata."
Sila si Pingris ug Fajardo nag-uban na og duwa og DOTA pipila na ka tuig ang milabay ug ang temporaryong paghunong sa PBA nakahatag kanila og higayon nga makauban sila og balik.
Gawas sa pagduwa og DOTA uban ni Fajardo, si Pingris miapil sab og zumba uban ang iyang asawa nga si Danica ug kauban nilang sa panimalay.
Alang ni Fajardo, ang bugtong six-time MVP sa kasaysayan sa PBA, nga paborito niyang palipas oras nakatabang kaniya pagpawala sa iyang kalaay ilabi na kay padayon pa siyang nag-rekober karon sa nabali niyang tiil.