CEBU, Philippines — Napuno sa tensiyon ang duwa tali sa magkaribal sa Western Conference Houston Rockets ug Golden State Warriors kagahapon didto sa Chase Center sa San Francisco, California.
Kini dihang diriyot mitumaw ang usa ka karambola nga nalambigit ang Rockets superstar Russell Westbrook, kinsa gitapok-an sa mga magduduwa sa Golden State human niya sikha og kusog ang usa ka player sa Warriors sa katapusang sayes minutos sa duwa.
Tungod kay nakakuha siya og duha ka technical fouls, si Westbrook gipugos pagpagawas sa korte, apan bisan pa niini wala gihapon kapugngi ang Rockets sa ilang kabangis ug ilang gipanitan ang Warriors, 135-105.
Gawas sa mga magduduwa sud sa korte, gikalalis usab ni Westbrook si Warriors superstar Klay Thompson, kinsa ana sa bench.
Bisan pa sa iyang pagka-eject, si Westbrook mitapos gihapon og 21 puntos, samtang si James Harden adunay 29 puntos ug 10 ka rebounds.
Sa maong duwa, ang Rockets mikulit usab og NBA record sa labing daghan nga three-points nga gipasud nga 27 ka tres.
Ang Warriors nga nakatilaw sa ikalima nilang sunod-sunod nga kapildihan didto sa ilang korte gibidahan ni Andrew Wiggins nga adunay 22 puntos.