CEPCA 'Battle of Champions' ugma na
Emmanuel B. Villaruel (Banat) - December 14, 2019 - 12:00am

Cebu, Philippines — Kasado na ang panapos sa tuig nga torneyo sa Cebu Executives and Professionals Chess Association nga giulohan og "Battle of Champions" karong Domingo,  didto sa balay ni CEPCA President Engr. Jerry Maratas sa Royale Cebu Estates sa Barangay Casili, Consolacion.

Dose ka players nga nanghawod sa binulan nga aksiyon sa CEPCA ang magtigi dili lamang sa titulo, apan hasta sab sa dungog isip labing tang-an ug labing hait nga magduduwa sa CEPCA ning tuiga.

Nag-una sa listahan sa mga entrante mao si National Master Rogelio Enriquez Jr. nga laraw mokulit og rekord nga lima ka sagunson nga kampiyonato.

Gipaabot nga mohagit sa upat ka tuig nga paghari ni Enriquez mao sila si Vince dela Torre,  Amado Olea, Rey Flores, Rosendo Yamyamin,  Venancio Loyola Jr., Jun Pasion, Ruel Hortelano ug Edwin Cablao.

Lain pang mangambisyon sa korona mao sila si Ruel Nuttal, Filemon Kapuno III ug Richard Ouano. Ganting salapi ang iapud-apod ngadto sa mga mananaog.

Gawas sa kompetisyon, ang maong kalihukan maisip sab nga tinuig nga tapok-tapok sa mga Cepcans matag pasko, pagpili sa bag-o nilang mga opisyales ug paghurar sa bag-o nilang mga miyembro.

CEPCA JERRY MARATAS
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with