Luna sa semis puntarya sa Gilas
CEBU, Philippines – Luna sa semifinals maoy gipahingusgan sa Gilas Pilipinas sa sangka nila sangka batok Vietnam karong gabii sa 30th Southeast Asian Games didto sa Mall of Asia Arena.
Ang duwa sugdan sa alas-8 sa gabii.
Ang Gilas mipakita sa ilang kabangis human nila gilubong ang Singapore, 110-58 sa pagsugod sa SEAG niadtong Miyerkules sa gabii.
Lima ka Gilas players ang mirehistro og double-figures sa pagpangulo ni Troy Rosario nga adunay 15 puntos.
Mipakitang gilas sab sila si Stanley Pringle ug Vic Manuel aron moiskor og 14 puntos. Si Matthew Wright mihipos og 13 puntos, samtang si JuneMar Fajardo adunay 12 puntos.
Batok sa Singapore, ang Gilas ni coach Tim Cone mipamatuod nga seryoso sila nga masakmit ang ika-18 nga gold medal sa nasud sa men's basketball.
Gikan sa 30-13 nga labaw sa first period, ang Gilas miratsada ug mipaburot sa ilang bentaha ngadto sa 52 puntos paingon sa second half.
Karong gabii gipaabot ang laing dakong kadaogan sa Gilas kay sangkaon nila ang mas huyang nga Vietnam nga mitapos sa ikaunom nga dapit sa 2017 SEA Games.
Bugtong taas sa Vietnam mao ang 6-foot-3 nga si Nguyenn Thanh Nhan.
- Latest