Cash incentives sa SEAG medalist doblehon sa poc
CEBU, Philippines – Mosubra sa tunga ka milyon na ang madawat sa mga Pinoy athletes nga makadaog og bulawang medalya sa Southeast Asian Games nga sugdan karong Nobiyembre 30 didto sa New Clark City.
Kini ang gipahibalo ni Philippine Olympic Committee (POC) president Abraham Tolentino atol sa send-off ceremony sa national team niadtong Miyerkules sa gabii didto sa Ninoy Aquino Stadium.
Gikan sa 300,000, doblehon sa Philippine sports officials ang madawat nga cash incentive sa mga Pinoy athletes matag gold medal nga ilang mabingwit.
Kon kini ang mahitabo, posible nga milyones ang madawat sa mga Pinoy athletes nga maka-medalya sa sobra sa usa nga mga kategoriya sa ilang sporting discipline.
Ang World Champion gymnast nga si Carlo Yulo, kinsa gipaabot nga mosakmit og lima ka gold medals sa iyang dibisyon, posibleng makabulsa og P3 million.
- Latest
