Lowry dili kaduwa duha ka semana, ibaka wa pay klaro

CEBU, Philippines — Ang All-Star guard sa Toronto Raptors nga si Kyle Lowry dili makapakitag aksiyon sud sa duha ka seman samtang ang pambato nilang sentro nga si Serge Ibaka wa pay klaro kon kanus-a makabalik og duwa. Nabali ang walang kumagko ni Lowry sa unang kuwarter atol sa 122-104 nga kadaogan sa Raptors batok sa New Orleans Pelicans niadtong Sabado.

Si Lowry, nga mi-average og 24.0 puntos ug 6.7 assists karong season, miduwa lamang sud sa 16 minutos sa wala pa ma-injured. Mihipos siya og sayes puntos ug lima ka assists.

Samtang magpa-alim sa iyang yayay, si Lowry gipaabot nga makapalta og unom ka duwa apan niini ang batok sa Los Angeles Clippers karong  Martes batok sa kanhi nila teammate nga si Kawhi Leonard.

Sa susamang duwa batok sa Pelicans, na-sprain ang tuong kiting ni Ibaka sa naghinapos nga bahin sa first ha lf. Si Ibaka ipaubos pa sa serye sa mga eksaminasyon didto sa Los Angeles aron masota kon kanus-a siya puyde nang mawadwad og balik sud sa korte.—-Emmanuel B. Villaruel

Donaire bukas  sa rematch

Di mubalibad si Nonito Donaire Jr. kung hagdon siya og usa ka rematch ni WBA ug IBF bantamweight champion Naoya Inoue kinsa mipilde kaniya pinaagi sa unanimous decision niadtong Huwebes didto sa Japan.

Si Donaire mitingog human madunggi ang pamahayag ni Ringstar Sports CEO Richard Schaefer kinsa interesado nga himuon ang usa ka rematch tali sa duha ka boxing stars.

Nasayran nga kulbahinam ug puno sa aksiyon ang panagbangga sa duha ka knockout artist diin nagbinayloay sila og mga kusug nga kinumo sud sa 12 ka rounds.

“If a rematch is on the table, let’s do it again,” matud ni Donaire sa The Philippine STAR.“

A lot of people are asking why not do a rematch? If it’s something the Inoue camp wants, it would be my honor to accept in a polite way. I think it would be a heckuva fight, the second time around.”

Bisan pa og nakahiagum og mga bun-og, si Donaire mideklarar nga himsog siya og walay kadaot nga nahiaguman iyang ulo basi sa resulta sa CT-Scan. “My brain is good and healthy.

I wanted to make sure I was OK so I decided to go to the hospital for an examination.

All good, no fractures, no brain damage, no cuts, nothing serious, just some bruising,” matud pa niya.

Sa iyang bahin, si Inoue gipaabot nga mupahuway og pipila ka buwan sa boksing tungod usab sa kadaot nga nahiaguman sa iyang tuong mata agi sa kumo ni Donaire. — Lemuel P. Maglinte

Gold saskateboarding haruson sa Phl team

Tinguha sa Skateboarding and Roller Sports Association of the Philippines (SRSAP) nga maharus ang tanang gold medals sa skateboarding event sa 2019 Southeast Asian Games nga sugdan karong Nobiembre 30.

Si SRSAP president Monty Mendigoria salig sa lineup sa mga skateboarders nga morepresentar sa nasud sa pagpangulo ni Asian Games gold medalist Margielyn Didal.

Si Mendigoria way duda nga modominar ang Cebuana nga si Didal human usab sa katapusang kalampusan niini didto sa U.S diin nanghakot siya og medalya. “Yes, we’re looking at sweeping all of our eight events in the SEA Games,” matud pa niya sa The Philippine STAR.

Gawas ni Didal, laing mga pambato sa nasud mao sila si Christiana Means, Jericho “Kiko” Francisco ug ubang Filipino-foreign athletes gikan sa Europa ug Amerika.