Walker mipukan sa kanhi team
Emmanuel B. Villaruel (Banat) - November 9, 2019 - 12:00am

CEBU, Philippines — Si Boston guard Kemba Walker miiskor og 14 puntos sa emosyonal niyang pagbalik sa Charlotte diin ang Celtics milansang sa ikaunom nilang sagunson nga daog human gipanitan ang Hornets, 108-87 sa NBA kagahapon.

Gawas ni Walker, milugwa sab nga mga bida sa Celtics mao sila si Jayson Tatum nga mihipos og 23 puntos ug Gordon Hayward nga mitimbre og 20 puntos ug 10 ka rebounds.

Klaro kaayong natandog si Walker sa video tribute nga nagpakita sa maanindot niyang mga adlaw uban sa kanhi niya home team. Timaan niini, mipasud lamang siya og upat sa 12 niya ka itsa.

"It was an amazing night," paghulagway pa ni Walker sa maong duwa niya didto sa Charlotte diin siya nahimong All-Star tulo ka higayon sud sa walo ka seasons ug nahimong all-time leading scorer sa Hornets.

Niadtong off-season, si Walker mipirma og kontrata sa Celtics human ang Hornets nga gipanag-iya ni NBA legend Michael Jordan, wala mihatag kaniya og supermax contract nga modagan og lima ka tuig sa kantidad nga $221 million.

Sa laing duwa, si LaMarcus Aldridge mikadlit og 39 puntos aron pangulohan ang San Antonio Spurs ngadto sa 121-112 nga kadaogan batok sa Oklahoma City Thunder.

WALKER
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with