Lakers, Clippers mag-abot dayon
Emmanuel B. Villaruel (Banat) - October 22, 2019 - 12:00am

CEBU, Philippines — Sa bag-ong plastada sa NBA, gipanglantawan nga ang Los Angeles Lakers ug ang LA Clippers maoy masentro sa  unang adlaw sa 2019-2020 niini nga season nga sugdan ugmang adlawa.

Segun sa survey sa mga NBA general managers, ang Clippers maoy gipindot nga labing lig-on nga kandidato aron makampiyon nunot sa pag-abot ni two-time Finals MVP Kawhi Leonard gikan sa reigning champion Toronto Raptors ug ingon man ni Paul George gikan sa Oklahoma City Thunder.

Dili sab hinuon mabangbang ang  ganay kon line-up sa Lakers ubos sa pagpangulo nilang LeBron James ug Anthony Davis. Dekalibre sab ang ilang ikatumpang nga sila si Dwight Howard, Kyle Kuzma ug Danny Green.

Ang Clippers ug ang Lakers mao dayon ang mag-abot pagsikad sa lab-as nga NBA season ugmang adlawa didto sa Staples Center, samtang ang Raptors magsugod pagdepensa sa ilang titulo batok sa Pelicans dungan sa pag-isa sa ilang championship banner didto sa ilang korte.

Gawas sa Lakers ug Clippers, angayan sab nga atngan ang Houston Rockets ubos sa pagtimon sa duha ka scoring champions nga sila si James Harden ug Russell Westbrook ug ingon man ang Milwaukee Bucks ubos sa pagpangu ni Giannis Antetokounmpo ug ang Pelicans nga moparada ni Zion Williamson, ang gikaintapang No. 1 overall pick sa miaging draft.

Ang  gikahadlokan kaniadto nga Golden State Warriors sa kalit lang nagmingaw. 

Gawas sa pagbiya ni Kevin Durant nga didto mitapon sa Brooklyn Nets, wala pa sa'y klaro kanus-a makabalik ang injured nilang All-Star foward nga si Klay Thompson. 

Duna pa hinuon sila'y duha ka alas nga sila si Stephen Curry ug Draymond Green nga ikauban sa bag-ong salta nga si D'Angelo Russell.

LA CLIPPERS LOS ANGELES LAKERS NBA GENERAL MANAGERS
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with