Quickserver mikatkat na sab sa unang dapit sa ABCC Cup 2019
CEBU, Philippines — Misunod sab og katkat sa unang dapit sa standing ang Quickserver human midaog batok sa Cutarra Customs Brokerage, 87-69 sa Aduana Basketball Club Cebu (ABCC) Season Inter-Brokerage Cup 2019 niadtong Lunes diha sa CPA gym, Cebu City.
Sa maong kadaogan, ang Quickserver nagsawo na sab sa liderato uban sa Alin Team A (Alin Customs Brokerage sa bracket B sa parehong nagbitbit og 3-0 record.
Ang best player nga si Genson Antolijao mipupo og 17 puntos uban ang tulo ka rebounds ug tulo sab ka assists aron pangulohan ang Quickserver ni Eulo Arevalo nga nakasimhot sa ilang sayong kadaogan dihang miposte sila og 63-45 nga labaw human sa tulo ka kuwarter.
Sila si Francis Eri ug Allen Tiro parehong mitali og 18 puntos aron sab pangulohan ang Cutarra Customs Brokerage ni Rocel Cutarra nga nabutang karon sa apeki nga sitwasyon tungod sa ilang 1-3 nga baraha.
Si Ralph Ecojedo mitampo og 17 puntos.
Sa laing bahin, ang Pimentel/Alburo Customs Brokerage midaog human ma-forfeit ang SMS Customs Brokerage nga adunay lamay pito ka players ang mipatim-aw.
Ang Pimentel/Alburo aduna na'y 3-1 record, samtang ang SMS adunay 0-4 nga baraha.
Puntos matag usa
QUICKSERVER (87) – Antolijao 17, Labor 8, Arevalo 7, Aniñon 7, Tacocong 5, Cayanong 4, Imhambre 4, Inopiquez 4, Tan 4, Soco 2, Ompad 2.
CUTARRA (69) – Eri 18, Allen 18, Ecojedo 17, Santiago 8, Robledo 4.
- Latest