Pacquiao mo-promote away ni Casimero
CEBU, Philippines — Si Pinoy ring star Manny Pacquiao maoy mo-promote sa umaabot nga pagdepensa ni John Riel 'Cuadro Alas' Casimero sa iyang WBO interim bantamweight title batok sa Mehikanong si Cesar Ramirez karong Agosto 24 didto sa San Andres Sports Complex sa Malate, Metro Manila.
Ang labing nindot nga balita, abli kini nga libre sa publiko.
Ang garbo sa Ormoc City gideklara sa WBO nga interim bantamweight champion gumikan kay injured man ang kampiyon nga si ZolaniTete sa South Africa.
Pormal kining nag-instalar ni Casimero isip usa ka three-division world champion. Usa siya sa upat lamang ka mga Pinoy nga nakakab-ot sa maong talagsaon nga dungog sunod nilang Pacquiao, Nonito Donaire Jr. ug Donnie Nietes.
Ang 30-anyos nga si Casimero kanhi naghari isip IBF light flyweight ug IBF flyweight champion.
Si Casimero nagkupot og 27-4 record uban ang 18KOs, samtang si Ramirez dunay 18-3 nga baraha uban ang 11KOs.
====
FAJARDO MOBALIK PRAKTIS SA GILAS
NI LEMUEL P. MAGLINTE
Mangaliya si Gilas Pilipinas coach Yeng Guiao nga dili maglisud ang iyang sinaligang sentro nga si JuneMar Fajardo sa iyang pagbalik og ensayo sunod semana.
Si Guiao nabalaka nga maglisud pagkuha sa sistema si Fajardo sa Gilas ilabi na nga taud-taod nga kining wala kaapil sa praktis nila tungod sa responsibilidad niini sa iyang PBA team San Miguel Beermen.
Si Fajardo uban nila ni RR Pogoy ug Troy Rosario sa TNT KaTropa mao ang tulo ka mga key players sa Gilas nga wala kauban sa Spain nga mipahigayon og training camp.
"I hope it's a short period. I hope hindi sila masyadong matagalan doon sa adjustment nila," matud pa ni Guiao sa ESPN5.
Sa tulo, si Fajardo ang gitan-aw ni Guiao nga labing importante tungod kay usa kini sa mga bigman nga iyang saligan uban ni Andray Blatche nga makigbangga sa mga higante sa ubang koponan atol sa FIBA World Cup nga buksan karong Agosto 31 didto sa China.
- Latest