Brownlee import gihapon sa Ginebra sa pba Governors' Cup
CEBU, Philippines — Bisan og pakyas si Justin Brownlee paghatod sa Barangay Ginebra sa finals sa PBA Commissioner's Cup, ang koponan gituohan nga kuhaon gihapon nila ang American import isip ilang reinforcement alang sa ikatulo ug katapusang conference karon nga season nga mao ang Governors' Cup.
Si Brownlee, kinsa gihulagway nga mao na'y labing sikat nga Ginebra import sa kasaysayan sa koponan, moduwa pagbalik ubos ni coach Tim Cone ug gilauman nga mamawi kini.
Mi-average siya og 35.9 points ug 13.6 rebounds uban sa Ginebra nga misud sa semifinals sa wala pa gitagak sa TNT KaTropa.
Ang multi-titled coach nga si Cone miingon nga dili si Brownlee ang hinungdan sa pagkapakyas pag-abante sa finals. Bilib gihapon si Cone sa abilidad sa 6-foot-5 nga si Brownlee, kinsa iya na usab nga giduso isip kandidato alang sa naturalized player sa Gilas Pilipinas kon ugaling moretiro na si Andray Blatche.
- Latest