Cebuano runners modagan sa 2nd hinunangan half-marathon
CEBU, Philippines — Pipila ka tang-an nga mga Sugboanong long distance runners apil na ang gikaintapang mga vaunted Kenyans ang mopakita na sab og aksiyon sa 2nd Hinunangan Half Marathon nga gikatakda karong Hunyo 23 didto sa Hinunangan, Southern Leyte.
Kapin sa 1,000 ka runners gikan sa nagkadaiyang dapit sa nasud ang mikompirma sa ilang partisipasyon ning 21 ka kilometro nga lumba nga maoy mosikad sa usa ka semanang kalihukan agi'g pagselebrar sa ika-166 nga kasumaran sa pagkahimugso sa lungsod sa Hinunangan.
"We are committed to hold this event yearly not only to help nurture a healthy physical well-being of our people but also to showcase the beauty of our place being a key element in our sports tourism program," matud pa ni Hinunangan Mayor Engr. Reynaldo Fernandez atol sa usa ka press conference kagahapon sa Krua Thai restaurant sa SM City-Cebu.
Si Fernandez giubanan nilang Southern Leyte Provincial Board member Rolan Bacoy, Hinunangan Councilor Gary Comeling ug Sangguniang Kabataan Federation President Louvelle Leen Pelin atol sa paglusad sa umaabot nilang karera.
Si race director Joe Deresas nagkanayon nga sila si Elmer Bartolo sa Davao City ug si Ruffa Sorongon sa Sultan Kudarat moapil og balik aron depensaan ang tagsa-tagsa nila ka titulo sa 21K open elite category.
Ang Hinunangan LGU inabagan sa pipila ka mga corporate sponsors mitagana og kapin sa P300,000 nga ganting salapi alang sa mga mananaog sa nagkadaiyang dibisyon.
Gawas sa 21K, aduna sa'y executive men's ug women's 12K, barangay officials men's ug women's 6K ug 3K fun run.
Alang sa dugang impormasyon, kadtong mga interesado mahimong mokontak ni Arnie Estillore (0917-1655032/0921-5799618) o dili ba ni Joe Deresas (0933-5484858/0995-3692935).
- Latest
