Gilas maglisud kon wala si Castro

CEBU, Philippines – Alang ni Jimmy Alapag nga hanap pa sa diyes panas nga makakuha og bisan usa ka daog ang Gilas Pilipinas sa World Cup  kon ugaling dili gyud moduwa si Jayson Castro.

Si Alapag miingon nga nasubo siya dihang nadungog nga wala pa'y klaro nga makaduwa si Castro sa World Cup sa Agosto didto sa China tungod sa personal nga suliran.

Miingon si Alapag nga gawas sa iyang abilidad sa opensa, si Castro dako og papel sa Gilas tungod sa kasinatian niini. Sila si Alapag ug Castro maoy nangulo sa Gilas dihang midaog  sila sa 2013 FIBA Asia Championship nga mibalik sa nasud sa World Cup sa misunod nga tuig.

Nanghinaut si Alapag nga makahimo og adjustment si Gilas coach Yeng Guiao aron mahulipan ang dakong haw-ang nga biyaan ni Castro.