Steve Kerr nadismaya sa Rockets
CEBU, Philippines – Si Golden State Warriors head coach Steve Kerr mitubag sa mga pagsaway sa NBA officiating human ang Houston Rockets mireklamo sa pipila ka mga sipyat nga tawag sa mga reperi atol sa Game 1 sa ilang NBA Western Conference semifinals.
Sa sayo pa, si All-Star forward Draymond Green mipika nang daan ni James Harden sa pag-ingon nga angay una nga manamin sa iyang kaugalingon ang reigning MVP sa dili pa mobuka sa iyang baba aron pikhan ang mga reperi.
Matud pa ni Harden nga kritiko sa officiating tibuok season, nga ang mga reperi wala mihatag kanila og patas nga tawag atol sa 100-104 nga kaparotan sa Rockets batok sa Warriors niadtong Lunes didto sa Oracle Arena.
Apan si Kerr wala malipay sa gihimong pagbira sa Rockets sa mga reperi nga lagmit makapasaka sa tensiyon sa duha ka mga koponan sa Game 2 karong adlawa.
Miangkon si Kerr nga ang mga reperi mailad sab usahay sa mga players nga maayo kaayong moarte nga bisan og wala matandog o hinay kaayong nasaghiran magpabaragbarag dayon aron makakuha og atensiyon sa mga reperi.
- Latest