St. Francis hari sa NorthBall
Yoyo R. Abayan (Banat) - April 17, 2019 - 12:00am

CEBU, Philippines – Mipakita na sab og milagro ang St. Francis of Assisi ug ilang gipaluhod ang D'Barrs Catering, 92-88 sa Game-3 aron maghari sa NorthBall 2K19 (6-ft. under) basketball tournament niadtong Biyernes didto sa Sabang gym, Danao City.

Ligas kaayo ang duwa hinungdan nga uno punto lang ang labaw sa D'Barrs Catering sa halftime, 41-40. Biya gihapon ang St. Francis sa third period, apan milusad kini og makalisang nga ataki sa fourth quarter, nga maopy ilang instrumento paglumpag sa D'Barrs Catering.

Si Rusty Aguilar mikulit og 18 puntos aron mangu sa St. Francis players nga miiskor og double figures. Ang laing upat mao sila si Dave Colon, Juk Juntilla, Dave Gervise ug Roger Natividad.

Dili hinuon tantong sakit ang natagamtaman nga kapildihan sa D'Barrs Catering kay ang ilang star player nga si Bajie Paradiang mao man ang gibayaw nga Season MVP.

Si Paradiang mibagdok og 23 puntos aron mangu sa D'Barrs, gisundan ni Jaysar Esperat sa iyang 19 puntos, samtang sila si Winston Bravo ug Roland Hermosilla mitampo'g  13 ug 11 puntos.

Ang liga nga gipasiugdahan sa Thirdy's Jersey.

PUNTOS MATAG USA

ST. FRANCIS (92) – R. Aguilar 18, Colon 17, Juntilla 15, Gervise 11, Natividad 11, Ba. Aguilar 9, Bo. Aguilar 3, K. Aguilar 2, Quiros 2, Olivar 2, Nuñez 2.

D'BARRS (88) – Paradiang 23, Esperat 19, Bravo 13, Hermosilla 11, Doroy 6,  Dumangcas 6, Ramoneda 4, Meca 3, Batucan 2.

ST. FRANCIS
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with