CEBU, Philippines — Sakto si Gilas Pilipinas coach Yeng Guiao nga moporma og lig-on nga basketball team sa nasud sa umaabot nga Southeast Asian Games sa Nobiyembre dinhi sa Pilipinas.
Daghan ang miingon nga dili angay nga PBA players ang paduwaon sa SEA Games tungod sa kahuyang sa kompetisyon, apan si Guiao miingon nga kinahanglan nga mapakita sa nasud nga kita ang hari sa basketbol sa Southeast Asia.
Ang Pilipinas ang adunay labing daghan nga gold medals sa basketball event sa SEAG ug kaduha pa lang kini mapilde sa finals.