CEBU, Philippines – Dili una paduwaon ni San Miguel Beermen coach Leo Austria ang Fil-German standout nga si Christian Standhardinger hangtod nga maayo na kini sa iyang injuries.
Bisan pa og krusyal ang nahibiling mga duwa sa San Miguel, ang defending All-Filipino champions gusto nga siyento porsiyento na nga kondisyon si Standhardinger sa dili pa kini paduwaon og balik.
"He can play but we don't want to prolong his program because we want him to be back 100 percent because we know he could help us a lot," matud pa ni Austria sa Spin.ph.
Si Standhardinger giingon nga miduol sa coaching staff sa San Miguel aron mohangyo nga tugtan siya nga moduwa karong Domingo, apan si Austria mipasabot sa iyang sinaligang forward nga dili una athon ang iyang sitwasyon.
Ang Beermen gusto nga modaog karong Domingo batok sa topseed nga Phoenix Fuel Masters aron makabahin og luna sa quarterfinals.