Gilas mipakita na sa ilang kaandam alang sa final leg sa FIBA World qualifiers
CEBU, Philippines – Napakita sa Gilas Pilipinas ang nindot nilang 'team chemistry' ug ang ilang kaandam alang sa final leg FIBA World Cup qualifiers human nila gilubong ang Meralco Bolts, 100-82, sa katapusan nilang tune-up game kagahapon.
Ang duwa sa Gilas batok sa Meralco maoy mitak-op sa kapin tulo ka semana nila nga training camp pangandam sa krusyal nga duwa batok Qatar karong Pebrero 21 ug sa Kazakhstan karong Pebrero 24.
Ang Gilas miduwa sa maong tune-up nga wala si Andray Blatche nga atua pa sa China, apan moduwa siya sa nasudnong koponan batok sa Qatar ug sa Kazakhstan.
Nangulo sa kadaogan sa Gilas mao ang Sugboanong si RR Pogoy nga mirehistro og 26 puntos.
Ang Gilas molarga karong adlawa paingon sa Qatar.
- Latest