Westbrook mikulit na sab og record
Emmanuel B. Villaruel (Banat) - February 13, 2019 - 12:00am

CEBU, Philippines – Mikulit og laing NBA record si Russell Westbrook  pinaagi sa pagposte og ika-10 niyang sunod-sunod nga 'triple-double' dihang ang Oklahoma City Thunder mipakaging sa Portland Trail Blazers, 120-111 sa NBA kagahapon didto sa Chesapeake Energy Arena sa Oklahoma City.

Si Paul George  hinuon maoy  topscorer sa kadaogan nga mipatuasik  og  47 puntos. Milangkat sab siya og 12 ka rebounds ug mipasa og 10 ka assists alang sa ikatulo ka 'triple-double' sa iyang karera.

Naapsan na ni Westbrook si Wilt Chamberlain alang sa labing daghan nga sunod-sunod nga 'triple-double' sa kasaysayan sa liga human mikolekta og 21 puntos, 14 ka rebounds ug 11 ka assists.  Ila kanhi gisaw-an ang record ni Chamberlain nga nakasagunson og siyam ka triple-double niadtong 1968.

Sa kinatibuk-an, mao kadto ang ika-23 nga 'triple-double' ni Westbrook karon nga season ug ika-127 sa iyang karera.

Didto sa Houston, si James Harden mipabuhagay og 31 puntos alang sa ika-30 nga sagunson nga duwa diin siya mitali og dili momenos 30 puntos aron pangulohan ang Rockets ngadto sa 120-104 nga milubong sa Dallas Mavericks.

Si Harden nga duna sa'y walo ka rebounds ug pito ka assists, kinahanglan na lang nga moiskor og lain pang 30 puntos aron tablahon ang record ni Chamberlain alang sa ikaduhang labing taas nga ratsada sa 30 puntos kasaysayan sa NBA.

Si Luka Doncic mitapos uban ang 21 puntos, 10 ka rebounds ug walo ka assists alang sa Mavericks  nga napilde sa Rockets sa labing unang higayon sa tulo nila ka sangka karong season.

Gawas nilang Westbrook ug Harden, si Kawhi Leonard misalida sab pinaagi sa pagpabuhagay og 30  puntos, apil na ang krusyal niyang itsa sa nahibilin nga 4.2 segundos sa duwa nga maoy nag-aswat sa Toronto Raptors ngadto sa  127-125 nga kadaogan batok sa Brooklyn Nets sa iskor nga 127-125.

WESTBROOK
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with